სასწავლო პროგრამა "მშვიდობიანი კულტურის კვალდაკვალ" წარმოადგენს დისტანციური და დასწრებული სწავლების კომბინაციას.

დისტანციური სწავლების მოდულებია:

  მშვიდობის სწავლება - (განათლება მშვიდობისათვის) და მშვიდობის მშენებლობა

ადამიანის უფლებები -  უმცირესობათა უფლებები და არაძალადობრივი მოქმედება

მრავალფეროვნება -  სოციალური, კულტურული, რელიგიური და გენდერული მრავალფეროვნება

აღნიშნული სასწავლო პროგრამა შემუშავდა და ტარდება პროექტის “მშვიდობიანი კულტურის კვალდაკვალ” ფარგლებში. პროექტი მიმდინარეობს ევროკავშირის მიერ დაფინანსებული Hedayah-ს პროგრამის STRIVE Global-ის ფარგლებში. პროექტს ახორციელებს კონსულტაციისა და ტრენინგის ცენტრი სამოქალაქო განათლების პედაგოგთა ფორუმთან ერთად.

პროექტის მიზანია საქართველოს ზოგადსაგანმანათლებლო დაწესებულებებში დროულად მოხდეს იმ კონფლიქტების პირველი ნიშნების შემჩნევა, რომელიც  ძალადობრივ და დისკრიმინაციულ ნიადაგზე შეიძლება განვითარდეს და მოსწავლეთა რადიკალიზაციასა და  შეუწყნარებლობას შეუწყოს ხელი.  

პროექტის ფარგლებში, 12 თვის მანძილზე აქტიურად განხორციელდება სხვადასხვა სახის საქმიანობები: როგორც  სასკოლო გარემოსა და აკადემიური პერსონალისათვის, ასევე მოსწავლეებისა და მათი მშობლებისათვის. პროექტში ჩართულია საქართველოს 4 რეგიონის 16 სკოლა.